寡婦徵婚
寡婦小芬喪夫已經一段日子，覺得要搵個伴過埋下半世，於是決定刊登徵婚啟事，列出三個條件，睇吓有冇人符合要求。內容如下：一，不能離棄佢；二，不能打佢；三，性能力要強。點知啟事刊出多日都冇人應徵，等咗一個月之後，終於有人按門鐘，小芬開門發現係一個坐住輪椅嘅中年男士。
寡婦客氣咁問佢嚟做乜？佢就話嚟應徵做佢老公，小芬愕然，問佢憑乜嚟應徵？中年男士馬上解釋：「你提出嘅三個徵婚條件，我全部都符合，第一不能離棄你，我雙腳斷咗，一定走唔甩；第二不能打你，你睇我雙手幼過香雞，邊度打到你，至於第三……」小芬問：「你憑乜嘢以為會符合到我第三個條件呀？」中年男士神情淡定，眼角望向門鐘蠱惑一笑：「你估吓我剛才用乜嘢方法嚟按你個門鐘呢？」