乒乓靚姐殺到
咁多女運動員當中，唔知大家鍾情邊一位呢？我就鍾意已經退咗役嘅乒乓好手鄧亞萍喇！唔係我口味有所偏差，而係阿萍姐為我國出戰嘅時候英姿颯爽，技術高超，有佢出戰錦標往往十拿九穩，好有安全感。另外，睇廣告都知萍姐退役之後做咗商界女強人，可見其才幹過人！而喺日本亦有另一位乒乓女將得我歡心，佢就係四元奈生美喇！
已經32歲嘅奈生美係乒乓好手，除咗於日本國內多次奪標，仲曾經殺上北京參加職業錦標賽。而奈生美唔單止打乒乓波叻，仲拿手設計時裝，參加比賽嘅戰衣就係由佢自己一手設計！
最近，奈生美於球場上引退，仲正式殺入藝能界，而頭炮就係推出寫真集《Yotsumoto》！寫真集去到熱情洋溢嘅泰國取景，奈生美亦受到感染，嚟個半裸拍寫真，令寫真集充滿精彩又養眼嘅畫面。大家如果想睇吓呢位乒乓女將有幾靚、身材有幾好，不妨支持吓啦！
售價
¥2,940
（約HK$273）