日日洩精子更活躍
最近身邊有好多朋友都傳出喜訊，就係造人成功，屋企好快多個成員，我當然戥朋友們開心啦！皆因要造人成功唔係咁容易，除咗要有心有力，仲要每日一洩。日日都要洩咁辛苦？容乜易搞到精子生產唔切，影響生育o架？
澳洲一位叫David Greening嘅博士就人類生育進行研究，搵嚟112名男士協助。而呢班男士嘅主要工作就係喺一星期之內每日一洩，經過一星期後，博士發現八成男士嘅精子DNA受破壞率下降12%，而精子數量由平均180萬條，下降到80萬條，但係精子嘅活躍程度就有所上升。博士解釋，精子長期留於體內，會因為身體嘅溫度而令當中嘅DNA受到破壞，除咗影響精子嘅受精能力，仲有機會影響到下一代嘅健康。博士仲用河流嚟作比喻，指男人每日有得洩，就好似保持河流流動，河水唔會變死水。當然啦！生育之前大家最好都係去搵醫生做檢查，尋求專業意見先係最正確啦！