長假返工有So

正月十五前去了一次澳門，船上人流不多，原本以為夜場客人不多，但前往的第一間夜總會，已經給我碰上個滿堂紅。電梯門甫打開，相熟的知客已經面有難色地告訴我：「海景房都滿晒喇，可唔可以喺第二間房影呢？」我從來沒有指定房間的，之前都是你們安排的，總之去哪裏拍都沒問題。

等了一會，一向負責找女「餵」我們的小姐房經理一推門就說Sorry，原來小姐房都沒有小姐了：「暫時我想搶都搶唔到呀，唔好話我哋要女，連媽咪都要周圍搶嚟畀客呀。」原來，這兩天，都出現如此盛況。

問原因，當然跟這家場最近將早場茶舞的套票價劈下去有關，不過，我們到場時其實晚舞都差不多開始了，「人潮」應該跟減價沒有直接關係。他們的全新Promotion：制服車，客人可以自行給囡囡揀選形象的玩意也尚未出街，於是不忿氣問多幾個員工，原來是因為春節假效應，上班的囡囡還未回復到正常數字，但客人突然增多，自然出現應接不暇的場面。

「呢啲假期囡囡實賺到錢，閒閒哋一日走四、五轉，識諗嘅放少兩日假，一定有着數。」小姐房經理如是說。