EQ低難獲高潮
正所謂娶妻求淑女，當然最好就梗係名門淑女，有多少家底，結婚之後兩口子唔使搵錢搵得咁辛苦啦！小弟一位朋友就娶到一個有錢女，不過我唔會羨慕佢，事關佢老婆嘅小姐脾氣真係好惡頂，EQ又低，令朋友每日都過得唔開心。事實上，EQ低唔單止影響夫妻感情，對於女性嚟講仲可能影響到性事上難獲得高潮添！
欠缺溝通
早前英國一兩性研究中心就EQ同高潮兩者關係進行一項研究，邀請2,035名年齡介乎18至50歲嘅女士協助。眾多女士先進行EQ指數測試，再進行問卷調查，結果發現EQ最低嘅25%女士表示，自己喺性事上鮮有獲得高潮，而其餘EQ較高嘅女士則表示性生活美滿，經常有高潮。專家就表示，EQ低嘅女士缺乏向伴侶表達自己對性事嘅要求和感受，即係話伴侶上到床根本就唔知佢哋想點，因此未能針對性刺激敏感點，自然難獲高潮啦！同時，佢哋上床亦缺乏幻想，咁又係，如果識得幻想老公係型男，要高潮有幾難吖！