眉頭散亂易分手
眉頭散亂嘅女性，感情大多會波折重重，而喺相學上嚟講，所謂眉頭散亂就係指眉頭嘅眉毛，唔順住眉形嚟生，令眉毛一根根豎起或者向相反方向生長，出現咁嘅情況，代表佢哋唔識處理感情問題，特別係30歲嘅關口，九成會出問題。
有人會問點解一定會係30歲呢？相書講兩邊眉頭，不是主31和32歲嗎？原來據研究所得，但凡人到30歲一定會沖太歲，當年會頭頭碰着黑，思想混亂，老是做錯決定，如果加上不擅於處理感情，好多時都會喺30歲時出現感情變故。
所以如果眉頭散亂嘅女士，不只要留意30歲那年，但凡值、沖、刑、害太歲嘅年份都要小心，平時則會一切正常，感情生活冇問題。至於左右眼眉有冇分30歲前同埋30歲後呢？其實只要其中一邊有都要留意沖犯太歲嘅年份，就可保平安。