Randy Moore 寫真革命

拍寫真係脫星嘅基本工作，因此愈拍得多代表脫星愈具人氣，Randy Moore近半年大大話話拍咗過百輯全裸寫真，傳聞阿妹單拍寫真嘅收入已夠買樓做首期。搵到食，難怪阿妹呢期講嘢咁大口氣，拍攝時又多要求啦！

自己搞Image

如此批評阿妹似乎唔多公平，事關佢嘅出發點無非都係想製作完美寫真啫！消息人士指，近年Randy Moore多咗參與寫真製作，由取景、化妝到內衣服飾事前都積極參與，但此舉就令攝影師同工作人員相當不滿，認為阿妹踩過界扮阿姐咁話。

而Randy Moore就解釋：「事實我並冇踩過界，只係想做好自己本分，希望將自己最好一面呈現喺大家眼前。況且最終決定權都落喺攝影團隊手上，假如我嘅意見唔啱聽，佢哋大可以唔聽o架！」而影迷就力撐Randy Moore，理由係脫星自己最清楚自己嘅優點所在，單靠攝影師短短幾次合作，難以將最靚一面呈現。

得到外界力撐，Randy Moore甚至私下開設一間製作公司，專責為個人度身訂造最潮最索形象，然後再經各大成人網站發布最新寫真。阿妹連幕後都撈埋本來都冇所謂，但問題係呢件事似乎引起骨牌效應，唔少脫星有樣學樣，變成寫真革命，遲早推翻脫星界嘅正常生態，咁究竟係好事定壞事呢？

Randy Moore's Profile

出生日期：1985年5月7日

三　　圍：37D-22-36

身　　高：5呎8吋