肌肉囡囡忽略性愛
男士們渾身肌肉，往往吸引唔少女士垂青，但如果女士們渾身肌肉，大家又點睇呢？相信十個男人裏面，喜歡肌肉囡囡嘅只會得好少數，所以肌肉型嘅囡囡，喺姻緣上會比較吃虧，身邊總係畀男人圍住，但有機會發展嘅就一個都冇。
性格方面，肌肉型囡囡絕對係刻苦耐勞嘅人，一旦作出承諾，就會排除萬難咁幫你辦妥，而上司只要燃點起佢哋嘅鬥志，佢哋就會拚命工作，為目標向前衝，而呢股蠻牛嘅性格，就令佢哋經常疏忽伴侶嘅感受。
喺性事方面，佢哋喺冇壓力嘅情況底下，都會小鳥依人，一切聽從伴侶嘅安排，但只要一進入作戰狀態（工作上），就會廢寢忘餐，連做愛都唔得閒。所以佢哋可以長時間禁慾，做佢哋老公真係有苦自己知。