奇聞趣事：代客買春藥

本地揭發有藥房賣假藥，當中仲有假壯陽藥，不止一眾嫖客嚇到腳軟，連鳳姐都嗌怕怕。又難怪嘅，佢哋最擔心嫖客喺交易過程中出事，惹來一身蟻。因此近期鳳姐都特別小心，奉勸熟客要幫襯有信譽藥房，最好當然係唔食啦！之不過嫖客食壯陽藥通常喺入閘前已服用，鳳姐根本唔知對方食咗咩藥，可以話防不勝防。一位駐守大埔嘅鳳姐就話：「只可以盡量小心，唔好搞得太激，尤其是對上咗年紀嘅客人要特別注意，當發現前奏都未開始時，對方已硬晒軚，大概都估到係啪咗藥！咁情況一般我都會輕手啲！」除咗行事小心謹慎，有鳳姐甚至幫客人買壯陽藥，一位駐守元朗嘅鳳姐話：「我做熟客生意，通常佢哋都會事前預約，若然知道客人要食壯陽藥就會幫佢哋買，免得佢哋貪平貪方便亂買，到時出事就麻煩喇！」

雞蟲熹Profile

o係色慾界打滾多年o既色途老馬，晚晚都出去蒲，口頭禪係唔滾唔知身體好。

歡迎讀者爆料交流

爆料熱線：3600 6688

傳真：3600 6800

地址：香港大埔工業邨大昌街23號東方報業中心

電郵：happy.sup@org.com.hk