鴛鴦眼皮 浪漫細心
有人雙眼皮，有人單眼皮，但原來亦有唔少人係一隻單、一隻雙，而呢種情況又以男士比較多。如果男人老狗生成左右眼一單一雙眼皮，喺相學上嚟講係件好事，呢種人感性、理性兼備，簡單講即係有雙重性格或者係好識得做人！
因為做人處世，只講理性或者只講感性都係唔得嘅，所以一定要感性、理性兼備，做人先夠圓滑，工作方面深得上司同埋下屬欣賞，升職機會大增。而喺感情上，係一個好識得照顧女朋友嘅男人，就算女友患有嚴重公主病，佢哋都一樣有辦法搞掂。
而喺性事上，佢哋能力超強，除咗指性能力之外，喺整個程序嘅細節上，明顯睇到佢哋曾經下過一番工夫，而且事後亦會有殺着，總之每一次親熱，都會令女朋友好舒服，充滿甜蜜回憶，所以揀男朋友，一定要揀左右單雙眼皮嘅男人喇！