裸體銅像
呢日綺夢見老公達哥唔喺屋企，於是相約舊情人肥言上嚟短敍。兩人一見面，即二話不說將對方剝光豬，正要進入戲肉嘅時候，突然聽見有鎖匙開門聲，綺夢大叫：「弊！老公返嚟添！」肥言嚇到面青，欲爬窗逃走之際，綺夢及時拉住話：「呢度38樓嚟o架，跌咗落街實死冇生呀！」肥言望住綺夢唔知點算好，此時，綺夢心生一計，畀幾支海底泥叫肥言馬上搽滿全身。之後，達哥推門入房，見個到「裸體銅像」，綺夢即解釋話呢個係啱啱買番嚟嘅擺設，達哥問：「你幾時鍾意呢啲嘢o架？」綺夢話：「冇，我見隔籬屋黃師奶買咗個，咪跟風湊吓熱鬧囉！」達哥點頭，之後兩公婆行出廳，直至晚飯後達哥竟偷偷走入房，仲塞塊麵包畀個「銅像」話：「兄弟！食塊麵包啦！千祈咪學我咁，喺隔籬屋扮咗三日銅像，就餓足三日三夜呀！」