奇聞趣事：搵鳳姐調劑

話說兩日前，老友雄哥放工後冇節目，獨自逛街，眼見人人雙雙對對，自己就孤單一個，於是佢走入橫街登上鳳樓，諗住求其搵個鳳姐浪漫溫馨一下，點知搵到個同佢一樣咁可憐嘅鳳姐，冇人約去街，兼且成日都未有過生意。於是兩人喺第一回合打得異常火熱，之後雙雙竟然意猶未盡，再次互相挑逗，結果一小時內梅開二度。事後，鳳姐話肚餓，問雄哥有冇興趣一齊落街食嘢，經過連番激烈大戰，雄哥個肚早已餓到「咕咕聲」，於是兩人拍住拖落街食嘢。呢位鳳姐雖然年近30歲，但打扮起嚟都見得人，加上鳳姐態度小鳥依人，好有女朋友Feel。之後兩人食完嘢手拖手行街街，最後雄哥醒咗兩舊水貼士畀鳳姐，鳳姐笑到四萬咁口，仲同雄哥講下次嚟幫襯打個八折優惠畀佢添！

皮哥簡介

線眼遍布港九新界，有料就去八，有蠱惑收王之稱，人生目標係八盡天下事。

歡迎讀者爆料交流

爆料熱線：3600 6688

傳真：3600 6800

地址：香港大埔工業邨大昌街23號東方報業中心

電郵：happy.sup@org.com.hk