捷足先登
肥獅憑住三分努力，七分運氣，將家族嘅物流生意變成上市大企業，佢亦搖身一變成為城中富豪。而自從做咗富豪，肥獅就開始鹹濕，成日想背住老婆去偷食，但係又怕人知，而佢身邊同屬富豪嘅朋友肥豪情況亦相同。後來，肥豪終於諗到一個周詳辦法方便二人以及一眾富豪兄弟偷食。就係肥豪喺自己嘅豪宅搞一個盛大舞會，邀請一眾名流同名模參加，由於地方大，人又多，二人只要同班名模傾好價錢就可以偷偷地上房「開心」。當晚，肥獅老婆硬要跟埋去舞會，肥獅心諗即使老婆在場，亦唔會阻住自己偷食，所以就答應一齊去。而肥獅從一班名模當中，好快搵到個合適對象，於是就上前勾搭。肥獅得到名模應允之後，就去問肥豪：「你快啲借間房畀我同個名模開心啦！」肥豪就話：「有人用緊喎！」肥獅就問：「邊個契弟搶先我一步呀？」肥豪一臉無奈咁答：「咪你老婆囉！」