出道十年裸住慶
柴九講過，人生有幾多個十年？今年正係小弟冇拖拍嘅十周年大日子，大家唔好以為我會因為咁樣而傷心痛哭，小弟反而慶幸自己有幸擁有十年自由身日子，冇女人煩住自己，呢十年不知玩得幾暢快。為隆重其事，今年我決定變本加厲，實行每月定期北上同過大海蒲個痛快！同時仲會學可愛到震兼身材絕佳嘅日本水着女優磯山沙也加一樣大事慶祝。
今年27歲嘅沙也加，已經加入水着界十年，難得嘅係阿妹個樣仲保持得可愛迷人，而且身材一樣咁有肉感兼肌膚白滑。為咗慶祝出道十年，沙也加仲遠赴熱情洋溢嘅墨西哥拍攝紀念寫真《AMISO!!》。呢本寫真集當中，沙也加將會着住件薄薄白恤衫，真空上陣去河流玩水！雖然冇露點，但係濕透嘅恤衫令沙也加曲線玲瓏嘅身材透視呈現，一樣可以令大家噴血！而我就會學佢咁樣，於夜蒲過程當中玩自拍，紀錄種種狂野實況嚟慶祝，真係諗起都興奮呀！