三角鼻窿唔錫老婆
男人嘅鼻窿，如果生成一個三角形咁，個尖尖對正出面，原來係代表呢個人搵錢同使錢都有自己嘅一套哲學。搵錢方面大多比較進取，除咗會不擇手段之外，有時仲會犧牲埋身邊人，至於佢哋咁做係啱定錯，絕對見仁見智。
使錢方面，有錢時都幾大使吓，但專買啲唔等使嘅嘢，一啲都唔保值，而且闊佬自己，孤寒人哋，所以做佢哋女友，見到男朋友買咗幾萬蚊嘅禮物自奉，你想佢送番幾千蚊嘅禮物畀你都唔使旨意。
至於喺床上嘅表現，亦都係一個古怪嘅人，佢哋會對用錢買番嚟嘅女人，特別愛錫；相反，如果你係佢老婆，佢哋就會視如破甑，愛理不理，絕對應咗古語講：「妻不如妾，妾不如偷」嘅道理，所以女士們千祈唔好揀呢種面相嘅人做老公呀！