神州遊：廈門上門補性課
最近喺廈門嘅大學校園區，出現一種另類上門補習，專為男大學生而設，每次都要喺網上預約，仲可以隨喜好選擇唔同類型嘅Miss，三舊水補一粒鐘，價錢乸脷，但仍然大受男生歡迎，皆因呢個上門補習只係掛羊頭賣狗肉，實情係當地色情販子諗出嚟嘅上門色情服務。
據知，學生哥要享用服務，先要登入相關嘅網站登記做會員，提供服務嘅囡囡被稱為「教授」，裏面有好多囡囡嘅性感照片同個人資料，會員可按喜好揀選心水。
角色扮演
其中連個人性格都有得揀，當中包括溫柔型、內向型、主動型及權威型等，據講學生哥最喜歡揀選權威型嘅女教授，令佢哋好有征服感。
其實所謂個人性格，換句話說，就係囡囡上門後，要扮演嘅角色了，如果係內向型，就要畀男生調戲，毛手毛腳，跟住大叫唔好；如果係主動型，就會掉番轉由「教授」主動向男生抽水，總之隨個人喜好，各有各好玩。
百玩不厭
據知反應唔錯，每日都有學生哥搵教授上門補習，而有幫襯過嘅男生表示，上次玩過主動型，下次就轉玩內向型，令佢百玩不厭，不知幾爽，而且服務唔錯，唯一美中不足，就係提供選擇嘅「教授」太少，如果嗰排補習得太密，就會出現重複囡囡嘅情況。
至於唔係大學生嘅嫖友其實都一樣可以搵呢類教授上門提供服務，只要上網登記做會員及預約，然後喺酒店開定房，囡囡就會準時應約上門替你「補習」o架喇！
偷跳貼士
服務 價格
上門補習 人民幣300/1小時