震出好性能

今日係情人節，小弟在此祝各位有情人終成眷屬，甜甜蜜蜜。提到情人節，一餐充滿情調嘅燭光晚餐大家都應該準備好喇！唔知禮物又預備好未呢？據聞今年嘅玫瑰花失收，令價格上升，一束玫瑰花可能會畀去年貴一倍，真係聽見都肉赤，所以小弟提議大家不如買樣實際又過癮嘅禮物，例如送震蛋畀女友或老婆，因為震蛋唔止可以增加閨房樂趣，對於男女雙方嘅性功能仲好有幫助o架！

催谷雄風

據美國嘅《性醫學期刊》（The Journal of Sexual Medicine）指出，如果女性患上性功能障礙，使用震蛋有助改善情況。而震蛋同時亦可以令男士增強性功能，呢本期刊早前邀得1,000名年齡介乎18至60歲嘅美國男士接受調查，結果發現有44.8%嘅男士進行性事嘅時候，有使用震蛋刺激自己。而呢44.8%嘅男士於一個國際勃起功能指數測試，其中嘅４項指數包括高潮指數、勃起指數、性滿足度以及性慾指數得到嘅分數，畀起冇用震蛋嘅男士較高分，即係話震蛋已經唔再只係女士恩物，更加係男人催谷雄風嘅法寶喇！

文：Max