吸收性知識 各有各法
唔知大家仲記唔記得第一次睇鹹書係幾時呢？小弟就記得當年老竇每隔兩三日就會買本鹹書返屋企，當然佢會將本鹹書放喺小朋友攞唔到嘅地方。點知有一日，我見到老竇將本鹹書「攝」喺床下底，我就知係機會喇！第一次睇鹹書，心情相當興奮，書中除咗有裸照外，仲有唔少性知識，令我獲益良多。
根據美國一項調查發現，一班年齡最高為19歲嘅受訪學生當中，只有0.5%從家長口中得到性知識，而接近67.5%係靠自己從互聯網及其他媒體得知，29.5%則表示係學校老師教授。所以話，政府唔使花咁多心機加強性教育，事實上年輕人自己都識得搵料吸收，就如當年小弟一樣。而小弟亦有個計劃，就係設計性知識網站，資料我就有齊，唯獨欠缺資金，如果搞得成，咪可以大大增加年輕人吸收正確性知識嘅機會囉！