菠菜蓮的情人之豬肉榮

「喂！豬肉榮，整斤靚嘅一字排畀我吖！」林小姐叫道。「冇問題！靚姐，我幾時都係畀最靚嘅你！我其實心哋都幾靚o架！你要唔要啫？」豬肉榮例牌同客人調笑，林小姐都冇佢咁好氣，畀完錢就走人。「好心你慳啲啦，豬肉榮!人哋知書識禮，貪你肥短快咩！」菠菜蓮搭嘴潤佢。

公然調戲

「講吓笑之嘛，你呷醋呀？」「我菠菜蓮出咗名係街市之花，使呷你隻肥鬼醋？」「如果唔係呷醋，又點知我肥短快啫！可能係肥長硬呢，不如今晚試吓咯！」菠菜蓮不屑地望一望佢下體，然後繼續做嘢，冇再理佢，收檔嘅時候，豬肉榮又再次搭訕。「菠菜蓮，今晚有冇約人呀！同我去食飯吖！」「我依家冇飯食咩，做咩要同你食呀！」

豬肉榮愈行愈埋，一手就拍落佢屁股。「嘩！菠菜蓮，個Pat Pat好彈手喎！衰鬼吖，又Keep得幾好喎！」菠菜蓮畀人讚兩句，頓覺飄飄然：「使乜講，我日日做運動o架！」「嚟啦！今晚唔食飯，咪一齊去做運動囉！」

罕有柔情

鏡頭一轉，兩人已經赤條條喺公寓開緊戰，豬肉榮一邊抽動，一邊問：「爽唔爽呀！」菠菜蓮唔得閒應佢，正在享受當中，突然間爆出一句：「下……次……你唔好再喺街市調戲我，我……唔想畀……人知我哋有路……呀呀呀！」「大……力啲！」「快啲！就……到喇！」菠菜蓮聲嘶力竭地嗌。豬肉榮只好快馬加鞭，全力衝刺，將菠菜蓮帶上一個又一個高峰，然後自己都唔執輸，喺佢身上留下萬千子孫。

完事後，兩人躺在床上食事後煙，菠菜蓮好似剛被餵飽嘅母獅一樣，臉上出現罕有嘅柔情，豬肉榮看在眼內，忽然間覺得菠菜蓮真係幾索。「阿蓮，你今日好靚！」菠菜蓮反唇相譏：「淨係今日咋？你都死嘅！」豬肉榮再次被窒，感到十分掃興。

偷食男女

「我話你聽，唔好再喺街市口花花，同埋唔好再調戲我，唔係畀街市班八公八婆知道咗，我同你都有排煩呀！」「得喇！頭先咪講咗囉！我都唔想畀我老婆知，你又唔想畀你老公知嘛！」

兩人慢慢整理好衣服，準備離開公寓，豬肉榮先出去埋單，管房同佢搭訕：「榮哥，呢排少咗嚟喎！」「係呀！畀隻乸(目及)到實一實，有乜符！」「邊隻乸先，入面嗰隻呀？」「唔通屋企嗰隻咩！呢隻先至係真正嘅老虎乸！連我同客吹水都唔得呀！」這時候，菠菜蓮行出嚟：「你講少一陣嘢係咪會死o架！行啦！」

落到樓下，菠菜蓮好不滿咁同佢講：「下次唔好再嚟呢度，你好似驚死冇人知我哋偷食咁，管房都吹一餐。」豬肉榮唯唯諾諾。（待續）