噴血沙灘女王
講述吸血殭屍同人類之間嘅校園愛情故事《Fortune Arterial》，其中一個女角色千堂瑛里華樣子可愛又好身材，因此大受動漫迷歡迎。而里華將會推出手辦模型，命名為Beach Queen（沙灘女王），以性感比堅尼登場，由於里華喺漫畫中好少以性感示人，所以呢次盡情露肉，令粉絲們十分期待，據日本嘅消息，已經展開訂購潮。
性感比堅尼
生產商見里華好耐都冇出過Figure，於是決定今年出番個，以滿足一下廣大粉絲。為咗隆重其事，特別搵嚟手辦模型大師小川陽三操刀，將里華打造成性感比堅尼女郎，將激凸身材表露無遺，非常養眼，噴血度高達100%！而模型上每個細節都做得十分精巧細緻，足見大師級手工，難怪吸引一眾粉絲爭相訂購，到正式推出時一定會炒高價錢！