窄鼻男性愛要暗示
鼻稱為財帛宮，主一生財運，鼻頭要大，鼻樑要挺，咁就最理想，但如果兩邊鼻翼收縮，只見到鼻頭嘅位置，喺相學上稱為窄鼻，擁有窄鼻嘅人自信心會比較弱，而且多疑，好難同其他人合作，只能做個人服務業，做老闆嘅只會即死。
感情上，窄鼻嘅男性，由於生性多疑，所以女性切忌做主動，佢哋一定唔會接受。但有個問題，就係佢哋欠缺自信，要佢哋主動追求，只會有排等，但都冇辦法，如果女性喜歡上呢種男仔，分分鐘等三年又三年，等到人老珠黃都未必等到佢表白。
至於床上嘅反應，佢哋一樣唔太喜歡主動，如果太太又冇特別要求，咁就可以長時間保持無性關係。所以建議大家做個約定，例如逢周末夜晚，只要太太一播某首歌或者噴某種香水，就即係暗示已經預備好，可以隨時親熱，否則做太太嘅會慘過守寡，喺性事方面永遠得唔到幸福。