多行房身體更健康

每次出席聚會，身邊嘅朋友總會同我講：「嘩！你成個人又乾又殘，係咪好耐冇行過房呀？所謂孤陰不生，獨陽不長，身體要陰陽調和至健康o架！」雖然我係因為捱得夜多先搞到咁殘，但係就對朋友嘅講法好認同，皆因有醫學研究報告指出，男女交歡有助身體健康。美國一名叫Eric Braveman嘅防止老化專家，就性愛對人體健康嘅影響做過好多研究，並且將結果寫成書。Braveman發現高潮能夠令人體免疫細胞數目增加20%，有助抵抗感冒菌和流感。另外，做愛亦有助人體生產一種叫做催產素（Oxytocin）嘅賀爾蒙，有助增強記憶力。

飲咖啡增性慾

Braveman仲話，男人如果一個星期進行三次或以上嘅房事，可減低患心臟病風險添！另外，Braveman表示自己雖然已經49歲，但係因為每星期進行適量房事，所以外表睇上去畀同年紀男士較年輕，兼且充滿活力。佢亦提議從飲食方面可以改善性愛質量，例如飲咖啡和吃糙米可以提升性慾，食牛油果就可以增強快慰感受。既然連專家都咁講，我都唔再壓抑自己嘅性慾喇！