脫星打Boxing治性癮

有指性愛成癮病態至極時，不分男女，無時無刻都需要性愛解決。有調查更指出，通常性愛成癮係由於過度縱慾所致，咁講法，脫星日夜上床拍四仔，患上此症嘅機會咪比普通人高好多囉？

最近，脫星News網站就有報道，話脫星Jenaveve Jolie自稱患上性愛成癮症，醫生建議嘅最佳治療方法，係要患者將精力放喺其他工作上，咁就可以減少性愛成癮嘅「破壞力」，之不過對脫星嚟講，要停止性愛即係手停口停！而Jenaveve Jolie就諗到好方法解決。

體力消耗大 冇晒性致

話說阿妹近期愛上打Boxing，消耗完大量體力後，就可以同男伴執番劑，搞完攰到抽筋，自然唔會再性致勃勃，一日一劑就搞掂晒！其實Jenaveve Jolie嘅方法，好多運動都做得到，點解一定要打Boxing先？

據Jenaveve解釋，原來佢已經分別試過跑步、瑜伽、打籃球、乒乓波等等，但最終發現打Boxing可以近距離同對手互動，流到一身大汗兼有身體接觸，好易燃起慾火，但因為打拳時體力消耗已經夠大，所以做完一次已經冇晒力。

呢種方法聽落似乎幾有道理，Jenaveve更將自己嘅經歷開拍成四仔，教授大家「情慾Boxing」。戲內嘅Jenaveve的確好「搶」，追住男優嚟砌，雖然細佬性愛未成癮，但都覺得一睇無妨嘅！