養眼盪乳滑板女
呢排天氣凍到震，街上啲女仔個個都着晒厚衫大褸包到實，所以真係好懷念夏天嘅日子，啲女仔着得少布又性感，大把肉睇。為咗幫大家止渴，今次就介紹個盪乳滑板女手辦模型，穿上性感比堅尼，玲瓏浮凸身材表露無遺，相信一定可以滿足到大家嘅眼球。
前凸後趷
呢個性感手辦模型，係日本人氣動漫《鶺鴒女神》嘅女主角—結。故事講述19歲嘅少男佐橋皆人喺街上見到身穿巫女服嘅巨乳美女結暈倒，於是就扶結返屋企，因而得知結原來係「鶺鴒計劃」嘅參加者。所謂「鶺鴒計劃」，就係讓108位參加者互相殘殺，死剩嗰個就能夠支配世界。
呢套漫畫嘅賣點，除咗有連場戰鬥場面外，當然係盪乳索女結嘞！結嘅身材相當惹火，一對大包令人好有壓迫感。為咗凸顯呢個優點，模型設計師就讓結擺出彎腰盪奶嘅甫士，非常養眼。另外，更重點塑造臀部線條，結實而堅挺，無論正面同後面睇都咁吸引，值得大家收藏。
全高：約240mm
售價：¥18,690〈約HK$1,750）