Charlie Laine想上岸

索女去到邊都會好受歡迎，成為全場嘅焦點。點知早前索爆嘅四仔脫星Charlie Laine出席名人派對時，竟然畀人當白撞！首先佢因為唔記得帶邀請卡，被「實Q」拒於門外，最後要出動四仔製作公司高層幫佢解圍至可以成功入場。入場後阿妹滿以為自己一定會吸引全場男士嘅目光，點知佢行咗個圈，都冇人騷佢。梗係啦！派對上有好多名媛淑女，個個都高貴大方，阿妹只係一個四仔脫星，形象麻麻，所以冇男士敢埋佢身，以免被傳媒影相，然後亂寫一通。

吐氣揚眉

當時Charlie真係好無癮，皆因場內有好多富豪，個個都身家過億，佢一心嚟釣金龜，點知食白果，自然感到好失望。又唔怪得Charlie咁諗嘅，你估佢真係想一世做脫星咩！阿妹樣靚身材正，當年諗住加入娛樂圈會大紅大紫，點知一直做茄喱啡，佢唔忿氣，於是把心一橫轉戰脫星界發展，結果成績唔錯，更喺成人奧斯卡頒獎禮AVN Award攞咗最佳演出獎，可謂吐氣揚眉。但係阿妹明白「花無百日紅」嘅道理，所以咪想泊到個好碼頭，盡快上岸唔使做囉！

Charlie Laine's Profile

出生日期：1984年1月31日

三圍：32C-23-33

身高：5呎3吋