奪命鹽焗雞
軍閥肥浩有好多個老婆，當中最得佢歡心嘅係三姨太。由於肥浩近日公事繁忙，所以冇時間同三姨太交歡，不過佢知道三姨太好大食，日日都有需要，於是就叫三姨太喺呢段苦悶日子去學烹飪，等佢有啲勢藝。然而，肥浩始終唔放心，於是叫手下肥森跟蹤三姨太，睇吓佢有冇出去勾佬。
肥森跟蹤完之後，就氣沖沖咁返嚟向肥浩匯報話：「三姨太同個廚師可能有路呀！」肥浩雖然怒火中燒，但係都細心聽埋肥森講落去：「我隔住道門聽到廚師同三姨太講『皮白肉嫩，真係好正呀！』然後又話『我用手指去撩幾撩就會好濕o架喇！』之後三姨太又話『好巨型呀！呢餐一定餵飽我囉！』過咗10分鐘之後，三姨太就以略帶呻吟嘅語氣話『嘩！好正呀！』」聽到呢度，肥浩已經忍無可忍，叫肥森帶支軍隊去殺咗個廚師。呢個時候，三姨太歸家，肥浩本想興師問罪，但係就見到三姨太一面高興咁捧住隻鹽焗雞返嚟，肥浩本想叫住肥森，但係已經太遲，出面傳嚟數十下槍聲……