奇聞趣事：鳳姐替熟客算命
我雞蟲熹一向都唔信風水命理，但身邊唔少嫖友就好迷信，佢哋仲話識得一個鳳姐算命好鬼靈，所以每年年頭都會去搵呢位鳳姐短敍兼占算運程，其中一個嫖友話：「佢真係好靈o架！話說有年鳳姐算到我會離婚，叫我千祈唔好留港消費，否則好容易被老婆撞正。結果有晚我喺尖東茶餐廳攬住囡囡食消夜，老婆就坐喺隔籬枱，斷到正！結果咪離婚收場囉！」自此之後，嫖友就好相信鳳姐，每年都去搵對方指點迷津。我問鳳姐點收費，嫖友就話唔計肉金，占算流年運程收五舊水。嘩！好搵過喺廟街擺檔喎！嫖友就話：「鳳姐唔會主動同客人算命，係要客人問到佢至會講，所以佢通常只係幫熟客占算囉！」
雞蟲熹簡介
o係色慾界打滾多年o既色途老馬，晚晚都出去蒲，口頭禪係唔滾唔知身體好。
歡迎讀者爆料交流
爆料熱線：3600 6688
傳真：3600 6800
地址：香港大埔工業邨大昌街23號東方報業中心
電郵：happy.sup@org.com.hk