早有前科
肥言同老婆美華見囝囝今年已經4歲，就諗住請番個保母返嚟照顧佢，等美華可以全職工作。而自從請咗個索女保母後，肥言就好耐都冇同美華行埋，因而令美華懷疑肥言同保母有姦情。
有日肥言返咗工後，囝囝就向美華爆料：「媽咪，尋日你唔喺屋企時，老竇又拉咗姐姐入房。我以為佢哋玩遊戲唔預我，咪企喺房門外裝佢哋囉！就見到……」美華聽到囝囝咁講，就即刻阻止佢講落去：「唔好講住！等埋你老竇返嚟至講！」肥言放工返到屋企，成家人坐低一齊食飯，呢個時候美華就同囝囝講：「阿仔，你可以講埋尋日見到乜嘢喇！」囝囝就話：「哦，我見老竇拉咗姐姐入房後，咪裝佢哋囉！就見到……」美華望住面都青埋嘅肥言，叫囝囝講落去：「見到乜嘢？」囝囝就話：「我見到老竇趴喺姐姐身上，做緊之前隔籬屋王叔叔同你喺房度做緊嘅動作囉！」