樓房展銷現象裸女招徠

有網友總結2010年嘅家住房展銷會，佢哋用咗一個字嚟形容，就係「癲」。因為樓價不斷創新高，就算一啲地段唔好嘅樓盤都開出天價，但一樣有人爭住入貨，已經到咗完全唔合理嘅情況。

旺丁旺財

除咗樓價屢創新高外，網友亦好唔滿意一個現象，就係上年多個大型房展會，都搵美女嚟示範人體繪畫，吸引市民，而且好多囡囡仲係半裸上陣，喺大庭廣眾下一絲不掛，由畫師當眾畫上圖案，好明顯係主辦單位借女性胴體，藉賣弄色情而吸引群眾，製造話題。

網友抨擊主辦單位為何賣樓需要搵靚女嚟示範人體彩繪？兩者根本風馬牛不相及，何解多個城巿嘅大型房展會，都以此作賣點，而且情況愈來愈嚴重，難道係希望藉着「入場就有裸女睇」嚟吸引男買家入場，等佢哋(目及)女(目及)到暈晒大浪而落訂買樓，催谷銷情之餘，亦乘機推高樓價。

呢個陰謀論似乎又幾有道理，買樓無非都係想一家大小安居樂業，用家大多已成家立室，搵裸女嚟作招徠，冇家庭Feel之餘，亦同賣樓主題無關。只以入場參觀人次勁嚟顯示樓市暢旺，呢招曲線宣傳似乎有啲離譜囉，難怪近期喺多個討論區中都成為被聲討對象啦！

不過主辦單位一於少理，只要能夠吸引市民參觀同媒體採訪，畀人鬧幾句咪當宣傳囉，據講呢個裸模Sell樓現象會喺2011年繼續，一眾男士又可以繼續大飽眼福喇！