奇聞趣事：陀地妹專吼中佬

最近有嫖友報料，話喺尖沙咀嘅樓上酒吧經常食到好嘢，全部係陀地妹。咁啱我老友正哥喺嗰頭做酒保，於是問佢係咪有咁好環境，正哥話：「近排的確有好多陀地妹嚟搵食，佢哋嚟到唔會幫襯，問佢哋幾位，就話嚟搵朋友，見到獵物，就會借啲意坐埋去，當大家熟落咗之後，就會叫個客人離開，聽講係去附近嘅時鐘酒店開房，每次收取肉金五百至一千不等。」點解啲囡囡咁大膽呢？正哥話：「成幢酒吧大廈裏面，龍蛇混雜，有啲囡囡誤交損友，每晚消費甚巨，有啲就冇錢開飯，惟有走嚟酒吧搵食。」據正哥講佢哋專揀斯文白領或者老實中坑，一啲打扮太潮嘅年輕人，佢哋反而唔會出手，所以想食好嘢，咪着得咁潮啦！

皮哥簡介

線眼遍布港九新界，有料就去八，有蠱惑收王之稱，人生目標係八盡天下事。

歡迎讀者爆料交流

爆料熱線：3600 6688

傳真：3600 6800

地址：香港大埔工業邨大昌街23號東方報業中心

電郵：happy.sup@org.com.hk