打雀群英會
最近推出嘅色情麻雀遊戲《雀極姬》，以打麻雀代替打仗，贏咗就可以統一天下，兼且可以得到各國嘅美女。
美女武將獻身
《雀極姬》故事講述日本戰國時代嘅魔王織田信長，某日收到使者從中國帶嚟一副麻雀，於是佢就同三個軍師開枱，而其中一個就係代表玩家嘅天城颯馬，點知颯馬食出一鋪十三么之後，麻雀入面嘅神奇力量就令世界改變，除咗搞到戰國時代所有武將都變晒女人，仲令竹戰變成攻城略地嘅唯一手段。之後，颯馬就決定用麻雀幫主人織田信長統一全國，同時仲可以品嘗到各位美女武將嘅肉體，因為當佢哋輸到冇晒錢就要獻地兼獻身！而要成功將美女武將擊敗，就要活用自己嘅麻雀必殺技，例如換牌以及透視眼等等喇！
遊戲名稱：《雀極姬》
售價：¥8,800（約HK$829）