頸細男冇心冇力
好多宅男精神不振，身體孱弱，做乜嘢事都提唔起勁，絕對可以用「打壞青年」嚟形容。而佢哋最明顯嘅特徵，除咗眼圈好黑之外，就係條頸好幼同埋冇乜力，好似風大啲都吹得斷咁樣。
原來頸細乏力，喺面相學上代表缺乏鬥志，體弱多病，性格同外表完全脗合。要評佢哋嘅事業運，一個字講晒─「冇」，身體差又冇鬥志，事業想成功都幾難。喺感情上，佢哋就算見到心儀嘅女仔，都唔會主動出擊，就算囡囡主動，佢哋亦懶得發展，除非係個囡囡自己送上門，否則都幾難識到女仔。
至於床上表現，年輕時都仲有啲動力，有啲心思，但到咗中年之後，就會出現未老先衰，有心冇力，最弊係去到冇心冇力嘅時候，咁就神仙都難救。如果男朋友係咁嘅款，建議你都係快啲搵過第二個，否則跟佢癲到中年，就算肯割價促銷都驚冇人要呀！