舞出春色

小弟雖然熱愛足球，但係平時一樣有欣賞美國嘅NBA籃球比賽，我最羨慕班外國球員高大又健壯，而且人工特高，打一季就已經賺到盆滿缽滿，不過最唔抵得佢哋落親場都有一班索爆啦啦隊幫佢哋打氣！

跳到甩衫

要做啦啦隊員其實唔容易，因為佢哋已經發展得好有規模兼有規矩，每個啦啦隊美少女都經過嚴格挑選同訓練，所以佢哋除咗樣靚身材正之外，舞姿亦充滿活力，仲同隊友好有默契添！

不過，講到美艷動人嘅啦啦隊，又豈是美國NBA專美，內地嘅籃球聯賽以及排球賽亦有，但係今日為大家介紹嘅就唔係北方佳麗，而係來自韓國嘅排球寶貝！早前於聖誕節嘅時候，韓國排球聯賽又開打，而為咗增加氣氛，一眾青春活潑又夠索嘅排球寶貝一如以往，於開場同中場休息時間出嚟大跳特跳，雖然身上嘅聖誕服裝係有少少累贅，但係寶貝們一於少理，除咗照樣做抬腿動作，搞到露底洩春光之外，有唔少寶貝仲因為動作太大跳得太起勁，連件衫嘅隱形吊帶都甩埋！幸好靚女及時用手兜住，否則現場啲男觀眾肯定流晒鼻血都似呀！