Juelz Ventura初脫難忘

都話外國人至情至性o架啦！早前有指美國有研究發現；多達9成男女對初吻難以忘懷，更可以憶起每一個細節，包括對方嘅衣着及氣味！哈，問心，細佬連初夜幾時幾刻、對手係邊個、有冇戴袋都忘記得一乾二淨，幾時初吻簡直係天方夜譚！而脫星Juelz Ventura則認為「初吻難忘」好大機會係感情壓力，事關研究時可能係情侶一齊進行，邊個夠膽話唔記得先？

因禍得褔

但講到難忘，呢位巴西索女就表示初脫經歷更深刻，事件發生喺3年前嘅夏天早上，阿妹老遠飛到美國同當時嘅男友去沙灘天體泳，Juelz自言咁大個女都未試過喺公眾場合剝光豬，而更難忘嘅係，男友竟然同佢影寫真，仲未得Juelz同意，就將慾照放上社交網站公諸同好。事後分手理所當然，但Juelz卻因禍得「福」，被發掘當上成人模特兒，更簽約成為四仔脫星。

Juelz Ventura話：「以我嘅條件同學歷，喺巴西頂多做侍應，如今喺美國拍四仔1年，好過留國捱10年，我打算退休後回國開Model公司，專搞囡囡過美國拍四仔，真係要多謝前男友犯錯，幫我開拓新事業！」

Juelz Ventura's Profile

出生日期：1987年7月31日

三圍：32D-24-34

身高：5呎5吋