指壓不死

這位指壓行的「老行尊」跟我說，他這一行會一直有得做，只要：「唔好太高調，搞埋啲咩制服呀、變態服務，又或者搞北姑，惹嚟太多外在嘅麻煩，囡囡質素又唔至於太差的話，就點都會有捧場客。」他說，近10年本地夜總會、桑拿確實被神州夜店搶走不少客人，但相對而言，對指壓的影響，還是比較輕微。「第一，我哋價錢平，300零蚊做45分鐘，仲要任砌喎，你估咁多人可以有咁多時間，坐車上坐車落，一去就半日嘅咩？」這點我認同，我眼見下班時候就有不少這類偷跳客，才1小時不夠，「吃」完真的神不知鬼不覺。

「第二，我哋強調有服務，指壓做唔到服務就死得啦。」他這句說話，應該是衝着另一組對手—鳳姐而來。「唔好計嗰啲集團式經營嘅北姑鳳姐，佢哋係賣後生啫，如果同班本地鳳姐比較，我哋手女嘅服務肯定更有保證，鳳姐閂埋門冇監管，鍾意就做好啲，唔鍾意就唔做，最慘係已經入到去，唔通你走呀？我哋呢度，起碼仲有第二個揀。」

雖然賣花讚花香，但他的一些觀點，我認同。