性事初哥入門必讀
今日介紹一本教大家「愛愛」嘅書，愛愛係乜東東？咪係性愛囉！但日本人就鍾意用愛愛嚟形容，可愛啲嘛！作者今次仲用埋漫畫嚟圖文並茂解構佢對性事嘅見解，可以話係一本以少男少女為對象嘅作品。
作者係今戶悠，佢喺雜誌嘅專欄中有唔少題材涉及兩性關係，於是佢將有關作品輯錄成書，成為一本以漫畫教授性愛嘅專題書，據講推出後深受少男少女歡迎，於是有出版社就買咗中文版權，翻譯成中文書。
內容方面，主要分五部分，第一部分講解女性身體，第二部分就係男性身體，第三部分就係親熱前準備嘅事宜，第四部分講如何進行性交，最後就係有關性事嘅雜談。全書內容十分豐富，風格年輕，絕對係初哥入門必讀嘅首選！
書名：日本H學園─看漫畫學愛愛
作者：今戶悠
出版社：晨星出版有限公司
售價：NT$280（約HK$75）