世界波：豆腐西施　對仔冇性趣

美國四仔界有成千上萬嘅脫星，但係稱得上樣貌標致嘅其實寥寥可數，而Carli Banks絕對稱得上係業界中嘅頂級靚女，佢甜美嘅笑容，均勻嘅身段，仲有樂而不淫嘅床戲，迷倒一眾麻甩佬，甚至有男Fans夢想可以娶佢做老婆，可惜佳人獨愛同志，謝絕一切異性追求。

好多四仔脫星拍戲不外乎為咗搵快錢，但Carli表示自己拍四仔係為咗興趣，金錢只係其次，因為佢生活樸素，物質要求又唔高，絕對唔需要好多錢過世。阿妹話：「自細對物質嘅追求唔大，而且又唔鍾意買名牌，過奢華生活，只係想搵到個理想伴侶，同我過一啲平平淡淡嘅生活就已經好滿足，所以決定拋個身出嚟拍同志片，就係想識多啲同志，從中搵到我嘅理想伴侶。」

拍片搵對象

Carli出道以嚟都係演出同志片，影迷都好清楚佢嘅性取向，不過完全無損男粉絲對佢嘅熱情，每日阿妹都收到大量男粉絲寄畀佢嘅情信，可惜佢對男人完全唔過電，反而一見到靚女就眼甘甘，所以佢拍戲都係獨沽一味，只演出豆腐戲。

阿妹話：「我都唔知點解對男人完全無興趣，好多片商都有搵我拍其他題材嘅四仔，但係我一諗起要同男人做愛，就即刻無晒胃口。我都有試過同男優合作o架，但係到埋牙嘅時候，我真係無晒性慾，成個硬晒，結果拍唔成，所以我都係拍同志片啱啲！除咗性取向問題之外，我仲想搵伴侶，如果遇啱對象，我會同佢組織家庭，甚至退出四仔界都得o架！」

Carli Banks's Profile

年齡：25歲　身高：5呎5吋　三圍：36B-23-34

作品推介

碟名：《Girls in Love 4》

內容：兩個美人兒一見鍾情，立即拋棄男朋友，齊齊返屋企磨豆腐，愈磨愈高興，索性共賦同居，組織同志家庭。