虎狼之年需索大

青春有限，所以男人通常都會趁後生，喺年輕力壯、精力旺盛嘅時候四出溝女，滿足自己無窮嘅慾望。而人到中年，隨住身體機能衰退，性能力亦會減弱。男士們可以透過做運動以及進補，嚟保持體魄強健，唔使太過擔心年紀大機器壞！

事實上，保持精力亦相當重要，因為老婆到三、四十歲就會進入虎狼之年，性慾旺盛過十幾二十歲嘅時候，如果老公滿足唔到佢嘅需要，輕則被羞辱一番，重則要面對老婆紅杏出牆嘅危機！

購物發洩

唔係嚇大家，根據澳洲一個調查結果發現，女性踏入30歲後性慾開始旺盛起嚟，接受訪問嘅1,000名女士當中，有85%表示30歲之後好想享受更多性愛，而1,000名受訪男士當中，只有75%有同樣答案。而21%嘅女士更表示30歲之後渴望享受更長時間嘅性愛。另外，有31%女士表示如果性方面得唔到滿足就會去溝仔，又或約埋姊妹行街瘋狂Shopping來盡情發洩，而佢哋咁樣掃貨法，遲早令到丈夫嘅荷包乾塘，所以奉勸各位男士一定要多做運動，保持體魄強健，以滿足伴侶嘅需要喇！