出軌
本來今日係放假嘅日子，但由於工作需要，肥浩一樣要晨咁早起身搭車返工。當肥浩去到巴士站等車嘅時候，佢就見到一位身穿低胸衫嘅靚女美娜，胸前戴住銀製頸鏈，上面仲掛住一個飛機型吊墜！
肥浩一路等巴士，就一路目不轉睛咁望住美娜個心口，大家都知啦，靚女通常畀人望慣，對於男人嘅視線敏感度相對較低，唔似得醜女咁冇自知之明，成日以為人哋(目及)佢！由於大家等咗好耐都未見有巴士到站，肥浩嘅視線終於引起靚女嘅注意！
美娜行埋去問肥浩：「我個飛機吊墜係咪好靚，令你欣賞咗好耐呢？」肥浩就不諱言話：「唔係，我欣賞緊架飛機條跑道之嘛！」美娜一臉愕然之後，雙眼往下望，又再目不轉睛望實肥浩未拉好褲鏈嘅褲襠，然後伸手一拍，重重打落肥浩嘅命根處！肥浩即時慘叫，美娜就笑笑口話：「你架『火車』滑咗出軌呀，所以我咪幫你搞掂佢囉！」
文：Max