齒不露男 避談性

正常人講嘢或者笑嘅時候,牙齒總會露少少出嚟,但唔知大家有冇發覺,有啲男人嘅牙齒,你係點都睇唔到嘅,就算大笑都好,兩片嘴唇都將牙齒包到實。原來呢種人城府極深,深藏不露,就算相識滿天下,都可以冇人知道佢哋嘅底蘊。

個性勇猛進取嘅佢哋,唔希望將家事向外公布,以減少麻煩。佢哋為達目的,一往無前,唔怕得罪人,所以喺事業上都有唔錯嘅發展。情愛方面,如果認識一個深閨內向嘅女友,咁就係天造地設,可以白頭到老;但如果另一半係活潑外向型,多數都注定失敗!

由於過於隱藏自己,所以佢哋喺床上唔會輕易講出自己嘅喜惡,所以另一半就要識得見微知著,主動令對方喺性愛上得到滿足。同時,如果想向對方表示自己喜好,就要選擇適當時機至好向佢表示,佢哋聽到後,就會慢慢作出轉變,唔心急得o架!

達達