淫遊三國
被譽為中國文化瑰寶嘅「三國」，成為唔少電影、電視、動漫以及遊戲嘅題材，當中有啲更愈玩愈離譜，例如漫畫《一騎當千》就將三國名將變晒做巨乳少女喇！
溝美女武將
而日本色情電腦遊戲當中，最近亦有一款作品同樣係玩轉「三國」，就係《三極姬~亂世、天下三分之計》，以三國時代做背景，遊戲中出現嘅武將陣容強勁，人數多達300人，當中大部分都變晒做美女，好似關羽、呂布、諸葛亮都變晒做女兒身！而玩家作為一個自由武將開始時，要加入其中一個勢力，好似玩普通戰略遊戲一樣咁操控，搞吓內政以及發動戰爭，以統一全國為目標。要增強實力，除咗攻城略地，仲要將班美女武將溝到手，可增加忠誠度，兼可以爆發潛力。當中最過癮嘅地方，係成功溝到女後，就會出現男女交歡嘅色慾畫面，呢個就係玩日本鹹Game嘅最終目的喇！
遊戲名稱：《三極姬~亂世、天下三分之計》
售 價：¥9,800（約HK$917）