臨老入花叢
美華今年二十有八，樣貌同身材都算合格，可惜佢係宅女一名，深閨又唔鍾意同男士搭訕。阿媽見到阿女咁情況，怕佢嫁人冇希望，於是逼佢漁翁撒網。點知阿妹唔知係品味有問題，定係佢存心跟阿媽作對，識埋啲男朋友個個都有問題，唔係爛賭鬼，就係外表爛身爛勢，搞到阿媽火都嚟。呢個時候阿媽心生一計，登啟事徵婚揀女婿。
徵婚啟事係：「家中有女美如畫，文靜嫺淑冇花假，願尋潘安把君嫁，舉案齊眉置安家。」阿媽以為可以解決阿女頭婚事，點知等咗幾日都冇消息，就問美華究竟有冇收到應徵信。美華諗咗一陣，就話有位有心人，早就寄信嚟求婚。阿媽聽到梗係好開心，即刻問明是何許人？美華好氣憤話：「來人係你夫君！」估唔到老竇人老心未老！