跑步強精
男人過咗30歲，體力自然大不如前，性機能亦會衰退。如果想保持後生嗰陣咁活力充沛，由今日開始就要勤力啲跑步喇！皆因據英國一項調查結果表示，跑步有助強精o架！
提升性慾
呢項調查報告共訪問咗1,000名有跑步習慣及1,000名冇跑步習慣嘅男女，結果有接近10%有跑步習慣嘅人士表示，佢哋每日做愛至少一次，當中有3%嘅人士更厲害，每日至少梅開二度。至於接近25%冇跑步習慣嘅人士就表示，一個月最多做愛一次，跑步嘅強精作用顯而易見啦！而調查結果仲發現跑步除咗強精之外，亦有助提升性慾，有跑步習慣嘅人士當中，10%嘅男性同5%嘅女性都話自己跑步嘅時候，往往都會諗起性愛。所以從今日開始，小弟會日日跑步，強「精」健體之外，聽有晨運習慣嘅師兄講，公園朝朝都有好多靚女跑步，話唔定畀我識到個女朋友添！