婚前不宜有性行為
中國傳統婚姻，除咗要有父母之命，以及媒妁之言，再加上三書六禮先可以結婚！仲要再搞一輪大龍鳳至可以洞房。今時今日，洞房仲使乜等到結婚嗰日吖，唔少人早就响結婚前有性行為。但係如果想段婚姻長長久久，就勸大家唔好有婚前性行為，忍得一時得一時喇！
有負面影響
事關早前英國Brigham Young大學有調查發現，婚前性行為對於婚姻生活有負面效果。佢哋訪問咗2,035對夫婦，當中婚後先洞房嘅夫妻感情穩定性，比起有婚前性行為嘅夫妻高22%，婚後滿足程度亦高20%，性生活質素仲高15%添！另外，彼此間嘅溝通滿意度亦高12%。所以研究負責人表示，想夫妻白頭到老，最好就忍到結婚之後先洞房。不過，作為男人又點忍得住呢？研究負責人就話，唔好同未來老婆有婚前性行為，但係同其他人有婚前性行為應該冇問題喎！