門牙內斜愛家毀家
門牙生得靚唔靚，係講你同父母之間嘅關係好唔好，如果男士一對門牙向內斜生，原來與父母緣薄，年紀小小就要出嚟搵食，唔係自力更生就寄人籬下，大多數都係辛苦命，至於將來可唔可以白手興家，就要睇其他面相配合，不可一概而論。
感情方面，由於自小與父母無緣，年紀輕輕就會好想有自己嘅家庭，所以結識親嘅囡囡，都會視為結婚對象。當有家室之後，大多數都會做一個好丈夫或者好爸爸，但能否持之以恒，就好講個人嘅學識同際遇，因為大多數朋友少年時候就出來謀生，讀書自然不多，能否好好教導孩子，真係未知之數，萬一染上惡習，更會令家不成家。
而且佢哋小時候遭家庭拋棄，所以最憎夫妻離異，萬一妻子對佢感情轉淡，提出離婚，小心會出現嚴重後果。所以老公門牙內斜，要離婚時，真係要諗清楚先好呀！