奇聞趣事：囡囡嗜賭好麻煩

以為大時大節，夜場必定生意大旺，咁就錯喇！據一位夜場媽咪表示，逢大時大節反而生意淡薄，個個坐晒冷板櫈，於是成班囡囡會圍埋賭吓啤消磨時間，收工更直落去打牌，晚晚如是，有贏有輸。

對此，有夜場經理就爆料話，最近有個上樓賭檔專為夜場囡囡而設，冇錢甚至可借埋錢畀佢哋賭，「呢個賭檔只招待夜場囡囡，而每個囡囡帶一位同行姊妹去玩，就會有佣分，所以話咁快就吸引唔少夜場囡囡去賭。」但有啲囡囡經常中港兩邊走，輸錢又點追數呢？經理就話：「開得非法賭檔都唔係善男信女，暫時我冇聽過有囡囡可以走到數囉！」依靠囡囡賭債維生，同依靠妓女賣淫維生，一樣咁無良，奈何囡囡貪勝不知輸，想幫佢哋都難！

雞蟲熹簡介

o係色慾界打滾多年o既色途老馬，晚晚都出去蒲，口頭禪係唔滾唔知身體好。

歡迎讀者爆料交流

爆料熱線：3600 6688

傳真：3600 6800

地址：香港大埔工業邨大昌街23號東方報業中心

電郵：happy.sup@org.com.hk