徐至琦FCup話題女王

台灣有唔少身材標青嘅女藝人，為咗博出鏡、上通告，都唔介意展露天賦本錢。最近人氣急升嘅旅遊選美王后徐至琦，就憑住F Cup上圍、作風大膽同言論出位而成為近期嘅話題以及通告女王。

負面新聞不絕

原名徐芳熙嘅徐至琦，據稱因為原名個熙字下面有火，所以脾氣較暴躁，有師傅話改名後，可以令星途更暢順，兼且踢走壞桃花。結果改名冇耐，便星運大開，即將投入電影拍攝及參與偶像電視劇演出。

挾「2009歐洲旅遊王后選美亞太冠軍」而入行嘅徐至琦，以立體五官，配上冶艷妝容而迷倒不少男士，再加上F Cup上圍，令唔少觀眾對佢留下深刻印象。不過外界經常質疑佢係「人工美女」，早前佢上《康熙來了》參與卸妝單元，被網友抨擊素顏的她可以拍恐怖片，就連主持人小S亦認為落差太大，屬於「靈異界」代表。

其實徐至琦出道以來，負面新聞不絕，除曾經捲入賣淫風波及淫照事件外，因為言論出位，亦辣慶唔少圈內前輩，加上過分自信嘅作風，令人對佢印象不佳。如果佢嘅處事態度唔改善，分分鐘只會成為另一個曇花一現嘅例子，希望佢好好把握機會啦！

徐至琦Profile

本　名：徐芳熙

英文名 ：Alina

三　圍：32F-24-33

身　高：170cm

體　重：50kg

血　型：O型