人中上寬下窄吹水男
男性嘅人中，如果上寬下窄，代表呢個人做事有頭威、冇尾陣，開頭嘅時候指揮若定，甚有大將之風，但係一到重要時刻，就會遲疑不決，白白錯失機會。如果遇上重大挫折，更會自暴自棄，要佢哋重新振作，真係要花一番工夫至可以。
感情上亦都一樣，佢哋如果遇上喜歡嘅女性，就會公告天下，有時仲會話明要幾多日內追到手，但係囡囡一刁難佢哋，佢哋就會毅然放棄，一來令囡囡尷尬，二來咁嘅性格，幾難追到女仔，除非係囡囡做主動。但佢哋遇上主動嘅囡囡，又會睇囡囡唔上眼，所以有時都幾矛盾。至於房事上，佢哋未開始前，同樣會認屎認屁，話自己幾叻幾醒，但一到要佢哋交功課，佢哋就會手足無措，事與願違，所以做佢哋女伴，真係唔好期望咁高，更唔好畀佢嘅甜言蜜語輕易呃到，最好都係換過另一個男朋友啦！