Nikki Sims化身洗車女郎

美國名媛Paris Hilton踩過界，成立電單車隊落場砌車，可惜大部分網友反應一般，有人更認為佢落床砌吸引得多！咁啱得咁蹺，美國脫星Nikki Sims亦有意搞番隊車隊，但唔係鍊車，而係幫班老細洗車啫。

乘機識富豪

Nikki Sims奉行實際主義，做乜都講求經濟效益，好似佢歷年來嘅四仔咁，從不粗製濫造，亦唔跟潮流走，做好自己本分就算；但同時外界亦有人話佢市儈，皆因佢連做訪問都要收錢，出席公開場合都要「抓」贊助，否則冇偈傾。

Nikki解釋：「做人闊佬都要有錢至做到，既然冇錢就更應該量力而為，無謂充大頭鬼！」正因為孤寒，Nikki對生意商機非常敏銳，早前就同幾位姊妹搞咗間比堅尼洗車公司，用脫星身份招徠客人，不過阿妹唔係乜車都洗，冇番幾百萬上落嘅都唔使搵佢。Nikki解釋：「我拍一部四仔至少都幾萬美元，假如乜車都洗咁又點顯得我哋尊貴呢？再者，洗車公司只係噱頭，認識富豪至係我嘅終極目標！」Nikki果然有腦，咁就抵你發啦！