超性感 草薙素子

如果閣下係日本動漫迷嘅話，相信都聽過《攻殼機動隊》。呢套由士郎正宗喺1989年創作嘅漫畫，唔止受漫畫迷歡迎，及後喺03年動畫化後，其人氣推至高峰，尤其係當中性感又身材正嘅女主角草薙素子，更深受粉絲喜愛。

上圍超激凸

呢套科幻動畫嘅吸引之處，在於佢設定嘅背景，故事發生喺未來嘅日本，但係其街道設計卻係以香港作為繪圖基礎，令本地動漫迷睇得特別有親切感。故事講述未來嘅日本，科技相當發達，將人體大部分替換成生化軀體，並透過大腦連接到電子網絡，亦因此出現網絡黑客。為咗阻止黑客偷取機密資料，政府就成立直屬首相嘅「公安九課」，而草薙素子就係當中嘅骨幹成員。

素子嘅迷人之處，當然係佢副惹火身材啦，深深吸引動漫迷嘅目光。呢個素子手辦模型，係取材自電視動畫中嘅造型，外面披上黑皮褸，裏面穿上一套如矯形內衣嘅服飾，激凸上圍勁養眼，而從後面睇，打出個渾圓美股，咁性感嘅造型，試問點會唔引死人吖？

全高：約270mm

售價：¥9,240（約HK$850）

預售日期：2011年5月